GAURKOAN... XABIER LASA

Gure herrian edono topa dezakegu Xabier Lasa argazkiak ateratzen, jendea elkarrizketatzen... Gure inguruan gertatzen denari buruzko informazioa jasotzen du Aiurri aldizkariak argitaratzeko. Baina gaur, guk egin nahi izan diogu berari elkarrizketa, bere berri izateko.

-Zein ikasketa egin zenituen?

 Ikasketekin Ikastolan hasi (OHO) nintzen, eta ondoren lanbide heziketa egin nuen.

-Zenbat urte daramatzazu kazetaritza munduan?

12 urte gutxi gora behera.

- Gustatzen ahal zaizu egiten duzun lana?

Bai. Aiurrira sartu nintzenean, lehendabizi Andoaingo historiari buruzko ikerketak, galderak… egiten hasi nintzen, gai hori oso gustukoa bainuen, eta gero proposatu zidaten aldizkarirako lan egitea.

-Zein izan da zure esperientziarik txarrena? Eta onena?

Astero-astero egiten dira elkarrizketak eta gauzak azkar egin behar ditugu, presiopean: gaur elkarrizketa bat egin, bihar idatzi eta etzi argitaratu. Batzuetan, detaile guztiak ez jartzegatik disgustuak eta
gertatu izan dira. Baina alde positiboak ere baditu: azken batean, herriko jende asko ezagutzen ari naiz, eta oso jende interesgarria da.

-Nork utzi zaitu hunkituta bere erantzunen batekin?

Egunero, egunero egiten ditut galderak eta egunero egunero jasotzen ditut erantzunak. Erantzun batzuek hunkitu naute, baina ez nuke jakingo norenak diren esaten.

-Zein pertsona ospetsu ekarrizketatu dituzu?

Herriko jendeari egiten dizkiot galderak, eta ospetsua niretzat izan liteke herriko baserritar bat, adibidez. Gogoan dut, esaterako Batista Arruti, gaztetan bertsolaria izandako baserritar bat elkarrizketatu nuenekoa.

-Orain zeri buruz ari zara lan egiten?

Adibidez, aste honetan ikastolako irakasle bati buruzko elkarrizketa bat egin dugu, jakingo duzuen bezala Donostian hiritartasunaren saria eman diote eta.

Galdera laburrak

  Irakurtzeko paperean/ digitalean: paperean

  Irakurtzeko nobela /beste generoren bat: historia

  Elkarrizketatzean euskaraz/ beste hizkuntza: euskaraz

 Argazkigintza / kazetaritza: argazkigintza

 Gaia letrak / zientzia: zientzia

Interview with SIMON ESPINekin elkarrizketa

Simon Espín oso ezaguna da Andoainen, besteak beste, "Simon" hizkuntza-eskolako zuzendaria izan baita urte luzez. Orain erretiroa hartu berritan da, eta elkarrizketa egin nahi izan diogu bere lanaren inguruan. Gainera, gutako baten aitona da, Unai Espinena, eta ez dugu aukera galdu galderak egiteko.

Unai, Beñat, Unai eta Aimar

-Noiz erabaki zenuen irakasle izatea?

Oso gaztetatik. 30 urterekin banekien irakasle izan nahi nuela.

-Noiz ireki zenuen akademia Andoainen?

Duela 26 urte, ia 27. Zehazki, 1990. urteko irailean.

-Zenbat irakasle zineten orduan?

8 irakaslerekin hasi genuen proiektua.

-Herrian sona handia izan du zure akademiak. Zenbat ikasle izatera iritsi zara?

450, gutxi gorabehera.

-Badakigu hiztun eleanitza zarela, baina ziur irakasteko orduan nahiago duzula hizkuntza zehatz bat. Zein hizkuntza duzu nahiago irakasteko orduan?

Aukeratu beharko banu, ingelesa esango nuke.

-Zaila al da akademia bat eramatea edo gestionatzea?

Lana eskatzen du, eta dedikazio handia. Baina ez da oso zaila.

Galdera laburrak

-Zer nahiago duzu frantsesa edo ingelesa?

Ingelesa.

-Mendia edo itsasoa?

Itsasoa.

-Zer nahiago dituzu, helduak edo umeak?

Nahiago ditut umeak.

-Zer nahiago duzu, ordenagailua edo telebista?

Telebista.

-Pelikulak edo liburuak?

Pelikulak.

-Uda edo negua?

Uda.

NORK EZ DU GARIKOITZ PLAZAOLA EZAGUTZEN?

Ernaitza liburu-denda herri osoak ezagutzen du, eta, noski, bertako Garikoitz ere bai. Bera elkarrizketatzea bururatu zaigu, hobeto ezagutzeko eta bere lanaren nondik norakoak gertutik jakiteko.

Jokin eta Ekaitz

-Zein ikasketa egin zenituen?

Nekazaritza ingeniaritza egin nuen.

-Eta nola hasi zinen lanbide honetan?

Txikitatik ibili naiz dendan bueltaka amari lagunduz, eta, azkenean, hemen bukatu dut.

-Zenbat urterekin hasi zinen?

Ez naiz juxtu gogoratzen, baina oso txikia nintzenetik etortzen nintzen hona, eta lanean ere azkar hasi nitzen.

-Ordu asko egiten al dituzu egunean?

Bai lan dexente egiten dut. Egia da egunaren arabera izaten dela, eta lan pilaketaren arabera. Batzuetan lan gehiago izaten dut, jende gehiago datorrelako, eta bestetan gutxiago. Urte sasoiaren araberakoa ere izaten da...

-Urteko zein momentutan saltzen duzu gehien?

Ikasturte hasieran dudarik gabe; izan ere, guraso mordoa etortzen da liburuak eta eskolarako materiala erostera, eta nahasmen handia izaten da.

-Hainbeste libururen artean lan eginda, gustuko al duzu irakurtzea?

Bai, nire afizio nagusietako bat da.

Galdera laburrak

-Komikiak ala nobelak?

Komikiak.

-Zein maiztasunekin irakurtzen duzu?

Astean 4 aldiz.

-Paperean ala digitalean?

Paperean.

-Etxean zer duzu gustukoen, irakurketa ala telebista?

Telebista.

-Mendia ala hondartza?

Hondartza.

-Letrak ala zientziak?

Zientziak.

GLORIA CASTAÑOSi elkarrizketa

Duela urte batzuk ezagutu genuen Gloria, eta harreman ona sortu zenez gure artean eta oraindik berak emandakoa oso prensente dugunez, elkarrizketa egin nahi izan diogu.

-Betidanik nahi izan duzu irakasle izan?

Bai, txikitatik nahi izan dut irakasle izan.

-Zein ikasketa egin dituzu?

Nik ikasten nuenean magisteritza deitzen zen, baina orain Lehen hezkuntza deitzen da.

-Ikasten ari zinenean izan zenuen alde batera uzteko gogorik? Zergatik?

Ez, ez, ez, hasieratik oso gustura egon nintzen eta gero praktikak ere oso gustura egin nituen.

-Zenbat urte daramatzazu irakaskuntzan?

38 urte.

-Zenbat urte daramatzazu ikastola honetan?

28. urtea aurten. 10 urtez beste herri bateko eskolan izan nintzen irakasle.

-Zein irakasgai erakutsi dituzu denbora horretan?

Hasi nintzenean, lau urteko umeekin hasi nintzen, ondoren hasiera zikloan egon nintzen. Gero beste urte batzuk orientazioan ere egon nintzen eta orain, berriz, tutorea naiz.

Galdera laburrak:

 -Zer nahiago duzu L.H ala D.B.H?  L.H.

 -Zer nahiago dituzu zientziak ala letrak? Letrak.

 -Zer nahiago duzu euskara ala gizarte? Gizarte euskaraz!

 -Zer nahiago duzu mendia ala hondartza? Mendia.

 -Zer nahiago duzu haragia ala arraina? Aukeran barazkiak eta fruta.

 -Zer nahiago duzu soinekoa ala galtzak? Galtzak.