2019(e)ko martxoakren 22(a), ostirala

GRAFFITI BERRIA

Lehengo astelehen arratsaldean, bisita berezi bat izan zuten L.H 5 eta L.H 6ko neska mutilek.

Aitor eta Nestor, aita-seme graffitigileak etorri ziren ikastolara. Graffitiarekin, zer nolako harremana duten kontatu zien eta beraien lanak ere erakutsi zizkieten.

Orain dela 2 urte hasi ziren graffiti munduan murgiltzen, eta hainbat lan egin dituzte. Beraien graffitiak ez dira guk ezagutzen ditugun graffiti motakoak; pertsonaia ezagunen aurpegiak marrazten dituzte gehienbat. Horien artean, Maialen Lujanbio, Berri Txarrak, Wiz Khalifa…

Beraien arte lanik handienak 10 x 10 metro neurtzen ditu. Hona hemen guri oparitutako graffitia:

2019(e)ko martxoakren 20(a), asteazkena

EKAINBERRI KOBAZULORA BISITA



Ostegun gizeneko koreografia dantzatu ondoren, ostiralean, DBH 1. mailako ikasleek Ekainberrira egin zuten bisita. Gaur egun benetako kobazuloaren erreplika bisitatu daiteke, margo originalak hondatu daitezkeelako gizakien presentziarekin.
Gizarteko ikastaroan emandako ikasgaia praktikan jarri zuten.

Kobazuloa ikusi ondoren, historiaurrean nola ehizatzen zuten ikasteko, joko batzuk egin zituzten: talde bakoitzari lantza bat eta jaurtitzen laguntzeko bultzagailu bat eman zitzaion eta hauek kokatutako hainbat animali ehizatzen saiatu ziren. Nahiko ondo ibili ziren, eta oso ondo pasa zuten.

AZOKA SOLIDARIOA

Lehen Hezkuntzako 6.mailakoek azoka solidario bat antolatu dute 2. ebaluazio bukaerako proiektu bezala. Proiektu hau ikastolako ikasle guztientzat zuzendurik dago eta ikastolan bertan egin da. Lehengo urtean HURRIA SAHARA elkartearen alde egindako proiektu bat izan zen; aurten berriz MINBIZIA duten pertsonei laguntzeko egin da. DBH-ko ikasleentzat, tortila patata eta bizkotxoak egin dituzte eta baita LH-koentzat ere. Iaz, 505€ bildu zituzten. Ea aurten zenbat biltzen duten!

Resultado de imagen de azoka solidarioa aita larramendi ikastola