2016(e)ko abenduaren 22(a), osteguna

BADATOR OLENTZERO!

Gertu daude gabonak, herriko argiak piztuta daude, eta herriko umeen bonbilak lanean ari dira, Olentzerori zer eskatu erabakitzeko.
Hori dela eta, famili arteko bazkariak, kalejirak eta abar antolatzeko ordua iritsi da. Abenduaren 24an Olentzeroren etorrera izango dugu Andoainen musikaz lagundua eta ilusioz beteta. Ohitura den bezala, Olentzerori txupeteak eta eskutitzak emango zaizkio eta ondoren, etxeetako mahaiak beteko dira familiko goxotasunez.

MOTXIAN EBY LEHIAKETA

Pasa den larunbatean, Motxian eby lehiaketako sari-banaketa izan zen Astigarragan. Andoaingo Ikastolako DBH2ko 3 ikasle sarituak izan ziren: Haize Alaminos, Unai Loyarte eta Naia Errazkin. 50€-ko saria irabazi zuten, bertako kultur-etxekoek gehien bozkatu zuten bideoa izan baitzen beraiena. "Mario Bross" izenarekin aurkeztu zuten beren lana, “stop  motion” teknika erabiliz. Zorionak!

Hemen dituzue Buruntzaldean aurkeztutako bideoak:

Buruntzaldeko bideoak


2016(e)ko abenduaren 20(a), asteartea

KAZETARI PROFESIONALEN BISITA

DBH 1. eta DBH 2. mailako Komunikazio Tailerreko ikasleok bi kazetari profesionalen bisita jaso dugu.


Alde batetik, Jon Eskudero etorri da ikastolara, DBH 1. mailako ikasle en galderei erantzun eta bere bizipenak kontatzera. Jon andoaindarra da, ikus-entzunezko kazetaritza ikasi zuen, eta gaur egun Berriako kirol-kazetaria da. Bere ikasketez eta lanbideaz gain, afizioez ere aritu da, eta ederki pasa dute berarekin!
Bestetik, DBH 2. mailako ikasleok Jon Ander Ubedarekin egoteko aukera izan dugu. Jon Ander tolosarra da, baina Andoainen bizi da aspalditik. Eskualdean banatzen den Aiurri aldizkarian egiten du lan, eta eskarmentu handiko kazetaria da.
Bi kazetari profesionalen bizitza nolakoa den ikusteko parada izan dugu, eta biek azpimarratu dute euskarak duen garrantzia. Milesker bioi!​

2016(e)ko abenduaren 19(a), astelehena

MOTXIAN EBY LEHIAKETA

Pasa den larunbatean, Motxian eby lehiaketako sari-banaketa izan zen Astigarragan. Andoaingo Ikastolako DBH2ko 3 ikasle sarituak izan ziren. 50€-ko saria irabazi zuten, bertako kultur-etxekoek gehien bozkatu zuten bideoa izan baitzen beraiena. Mario Bross izenarekin aurkeztu zuten beraien lana, “stop  motion” teknika erabiliz. Zorionak!

Hemen dituzue Buruntzaldeko bideoak:

MOTXIAN EBY


2016(e)ko abenduaren 16(a), ostirala

STOP MOTION

Hemen dituzue stop motion teknika erbiliz egindako lantxo batzuk. Gainera, hauetako bat SARITUA izan da MOTXIAN EBY lehiaketan! ZORIONAK!







2016(e)ko azaroaren 17(a), osteguna

2016(e)ko azaroaren 16(a), asteazkena

2016(e)ko urriaren 3(a), astelehena

EROSKETAK ANDOAINEN


Andoaingo 113 pertsonei inkesta egin diegu, ea erosketak Andoainen egiten dituzten ala ez jakiteko. Andoainen,  % 22.3ak ezezkoa eman digu eta %77.7ak baiezkoa eman digu.

Ondorioz, jende gehienak erosketak Andoainen egiten ditu, eta gutxiengo batzuk Andoaindik kanpo. Ondorio positiboa dela iruditzen zaigu, herriko denda txikiak bizirik nahi baditugu, beharrezkoa baita erosketak bertan egitea.

EKI DIGITALA

Gure taldea kalera atera da inkesta bat egitera. Inkesta DBH-1eko proiektu berriari buruzkoa da, liburuak utzi eta ordenagailuekin lanean hasi baitira. Proiektu honi buruz jendeak zuen iritziaren bila joan ginen eta zorionez, gure jakinmina asetzea lortu dute Andoaingo herritarrek.
Hauek izan dira lortutako emaitzak:

Bai:
47
Ez:
69


Irakurzaletasuna


Andoainen 100 pertsonei galdetu diegu ea irakurtzeko ohitura zuten. Emaitzak nahiko onak izan ziren, ehuneko 61-ak irakurtzeko ohitura du eta beste  ehuneko 39-ak ez. Honek esan nahi du Andoainen irakurtzeko ohitura handia dagoela. Oso pozik gaude emaitza hauekin Andoainen irakurtzeko ohitura orainik galdu ez delako. Ea horrela segitzen duen.

KMK 16' BERGARA

Urriaren 2an kilometroak Bergaran izango dira eta inkesta bat egin dugu Andoaindik zenbat pertsona joango diren jakiteko. Inkestaren eremua Zumea kale ingurutik eta Juanita Alkain plaza aldetik izan da.
Emaitzak ez dira guk espero genituenak bezain onak izan. %67.3 pertsonek ez direla joango esan digute eta besteek, hau da, %32,7-ak, joango direla esan digute.
Inkesta honen ondorioa da Andoaingo oso herritar gutxi animatuko direla. Beraz gure ustez emaitza negatiboa da, ikastolen festa dela jakinda eta gu ikastolakoak izanik, uste genuen jende gehiago animatuko zela.



   

Ondorengo taulan emaitza zehatzak ateratzen dira:

Galdera: Joango al zara urriaren 2an kilometrotara?

BAI:
35
%32.7
EZ:
72
%67.3

2016(e)ko irailaren 20(a), asteartea

AndoaIndarra Euskaraz

Irailaren 24an Andoainen AndoaINDARRA euskaraz eguna ospatuko da Goiko plazan.

  Goizeko 10:00etan hasita egun osoan ekintza ugari izango dira: pintxo poteoa, jokuak, erromeria, antzerkia…

  Azken datuen arabera, andoaindarren %18ak erabiltzen du euskara kaleetan zehar. Andoaindar guztien eguna izatea nahi dute; beraz, herritar guztiak parte hartzera gonbidatu nahi dituzte, ”herriko kaleak euskaraz bustitzeko”.

  “Argi dugu gutako bakoitza euskalduna dela eta gutako bakoitzaren indarra beharrezkoa dela euskarak aurrera egin dezan”.


Beraz Irailaren 24 an Goiko plazan ikusi nahi zaituztegu!


2016(e)ko irailaren 19(a), astelehena

KROSSA

Aurreko igandean irailaren 11n hain zuzen ere, Lekunberri-Leitza-Andoain maratoia ospatu zen. Goizeko 9:00etan hasi eta 13:00 aldera bukatu zen. Maratoia, Lekunberritik Andoainera 42 km izan ziren. Maratoi erdia, Leitzatik Andoainera 26 km izan ziren eta helmuga goiko plazan jarri zen.
Parte hartze ona izan zuen eta eguraldi ona egon zen.

Haritz Telletxea, Mikel Maiza eta Unai Leal.
IKASTOLARA BUELTAN

Jada udara oso azkar pasa da eta ikastolara bueltatzeko garaia iritsi zaigu. Berriz ere eguneroko martxan hasi gara eta malda gora egin zaigu buelta.

Guretzat (Andoaingo DBH2-ko ikasleentzat),ez da ezer aldatu eta ez dugu berririk ikastolan, baina adibidez DBH1-ko ikasleak proiektu berri baten hasieran daude: EKI digitala. Egunero liburuekin lanean egon ordez, ordenagailuekin egiten dute lan-prozesu guztia.

Proiektu hau ikasmaterialean aurrera pausoa eman nahi delako sortu da, eta oso ideia interesgarria izan daiteke. Aldaketa zorrotza izango da haientzat, baina seguru gaude azkar ohituko direla.



librosypc.jpg

June Pascual, Naia Errazkin,
June Korta, Ane Izagirre eta

Janire Fidalgo.

MARTIN UGALDE LEHIAKETA
Martin Ugalde ipuin-lehiaketa da. Kurtso hasieran ospatzen da Andoainen, eta hiru eskolek hartzen dute parte; ea gure ikastolak irabazten duen zerbait! Lehiaketa ikasleen imaginazioa bultzatzeko egiten da. Sari- banaketa bastero kulturgunean egiten da  eta saria diru kantitatea izaten da. Lehiaketa Martin Ugalde idazlaria konmemoratzeko egiten da. Resultado de imagen de martin ugalde lehiaketa

SORABILLAKO FESTAK

sorabillako jaiak bilaketarekin bat datozen irudiak

Aurten ikasturte hasierarekin batera, Sorabillako festak izan ditugu.
Urtero bezala, sagardo proba, umeentzako puzgarriak, zetreria saioa, sardina jatea, kontzertua, txarangak alaitutako kalejirak eta gauza mordoa izan ditugu festaz gozatzeko, bai helduak bai umeek.
Espero dugu festetan gozatu izana.
Hurrengora arte.

Jokin Jauregi eta Ekaitz Alkorta

  ALLURRALDE KIROLDEGIAN ALDAKETAK

Erlazionatutako irudia Abuztuko hilabete guztian Andoaingo udala kiroldegiko igerilekua berritzen aritu da.
Igerilekuaren sakonera gutxitu dute eta orain 1,54 m neurtzen du. Ura aurrezteko egin dute hori. Irailak 12an,lehen aldiz jendeak igerilekura sartzeko aukera izan zuen.



June Igarategi, Haize Alaminos, Paula Baco eta Jone Goiaran
KILOMETROAK 2016

2016ko  urriaren 2an Kilometroak jaia Bergarako Aranzadi ikastolan ospatuko da. Eguna adin guztietarako aproposak diren ekintzez osaturik egongo da. Eguerdi aldera Aranzadi ikastolak Oñatiko Txantxiku ikastolari pasako dio lekukoa. Ospakizun honen helburua euskara bultzatzea eta Aranzadi ikastolari diru laguntza ematea izango da, ikastolan berrikuntzak egiteko. Badakizue, urriaren 2an denak Bergarara ondo pasatzera!

Egileak: Aizpea Oria, Irati Erbiti, Maialen Igarategi

2016(e)ko maiatzaren 24(a), asteartea

SARE SOZIALAK

Hemen duzue bideogintzako beste lantxo bat.

Sare sozialak: arazoak nahi ez badituzu, itxi saioa BETI.

2016(e)ko apirilaren 19(a), asteartea

Gu ere arrazakeriaren aurka

Bideogintza lantzen ari garen honetan, arrazakeriaren aurkako eszena batzuk grabatu ditugu.

Hemen duzue adibide bat:





2016(e)ko otsailaren 16(a), asteartea

SANTA AGEDA ETA INAUTERIAK


Aurten inauteriak eta  Santa Ageda egun berean tokatu dira. Aita Larramendi ikastolako LH-koak goizean Santa Ageda eta arratsaldean inauteriak ospatu zituzten; Bazkardon aldiz, ostiralean.  LH koak herritik zehar kantatzen pasa zuten goiza. Hainbat lekuetan kantatu zuten: ikastolan, gaztelutxo tabernaren parean, Juanita Alkain plazan eta azkenik “Eli” dendaren aurrean. Ibilbidean zehar kaleak alaituz ibili ziren eta tradizioa gogoratu zieten hainbat pertsonei.
Arratsaldean ikastolan hasi zituzten inauteriak eta giro ederrarekin Bastero aldera joan ziren. Bertan Ondarreta ikastetxearekin eta LS Berrozpe ikastetxeko ikasleekin elkartu ziren. Denak batera goiko plazara joan ziren eta bertan ikastolako ikasleek pare bat dantza eginzituzten.

P1190344.JPGDSCF3565.jpg

                MELILLAKO LURRIKARA
  
Urtarrilaren 25ean Melilla hirian lurrikara bortitz bat sentitu zen. Andaluzian bizi ziren pertsonek ere sentitu ahal izan zuten. Richter eskala kontuan hartuta 6,3ko lurrikara izan zen. Lurrikara honek 26 zauritu eragin zituen eta zaurituez gain, ondorio handiak izan ziren: teilak kotxeetara erori ziren, farola batzuk erori egin ziren... Larrialdi zerbitzuek jakinarazi dutenez, Andaluziako hainbat probintzietan sentitu dute dardara, besteak beste, Sevillan, Jaenen, Cadizen eta Malagan. Kalte gehienak Melillan izan dira,eraikin askotako fatxada zatiak jausi dira eta suhiltzailek etxeetatik atera dituzte bizilagunak. Melillako hiritarrek beldur handia pasa zutela ondorioztatu dezakegu.ç




      DONOSTIA KULTUR HIRIBURU

Donostia Europako kultur hiriburu bilaketarekin bat datozen irudiak
   Duela aste gutxi Donostia Europako kultur hiriburu izendatu zuten. Beren 2016ko lelo ofiziala “Herritarren energia-olatua eta elkarbizitzarako kultura” da. 2011ko ekainaren 29ko 17:25ean Madrilen burututako ekitaldian Manfred Gaulhofer epaimahaiko buruak Donostia hiri aukeratua zela adierazi zuen. Honela, Donostiaren hautagaitza Espainiako bost hiriei gailendu zitzaien: tartean Cordoba,Zaragoza, Segovia, Burgos eta Las Palmas Kanaria Handikoa zeuden.                                                            
       PIRRITX PORROTX ETA MARIMOTOTS


WPXM.jpg

Aurtengo urtarrilaren 22 eta 23an Pirritx, Porrotx eta Marimotots Andoaingo Bastero kulturgunera etorri ziren “Amalur” antzerkia antzeztera. 22an 18:00etan, eta 23, berriz, bi saio egin zituzten. Lehenengo saioa 16:30ean izan zen eta bigarrenari 19:00etan eman zioten hasiera. Ikusle guztiek gozatu zituzten pailazo maitagarri horien emanaldiak.

2016(e)ko urtarrilaren 7(a), osteguna

GABONAK



Andoaindar batzuek diote Gabonak ez zaizkiela gustatzen, mahaian beti norbait faltan botatzen dutelako eta gastu handiak sortzen direlako. Gehien gustatzen zaiena urtarrilaren 7-a  da; izan ere, Gabonak bukatu eta beste urte batete osoa geratzen da berriro data horiek iristeko. Badago Gabonak gustatzen zaizkionik ere, noski: turroia, polboroia, errege roskoa, mariskoa etab. jatea gustuko duena! Antza denez, oso gozo zaleak dira batzuk!

  


Bestalde, jende gehienak prezioak asko igotzen direla esaten du, baina baten batek prezioak igo eta jaitsi egiten direla esan zigun. Pertsona gehienek, gabonetan gustuko dutena familian egotea, jatea, baserritarrez janztea, abestea eta, gehienbat, oporretak egotea. 

Loteriari dagokionez, askok ez dute loterian sinisten, trukatuta dagoela uste baitute. Beste batzuek, berriz, sinisten dute, jendeari tokatu zaiolako eta ez dute itxaropenik galtzen...


Opil lehiaketak ere aipatu dizkigute... Normalean, festa-giroarekin lotzen dituzte andoaindarrek Gabonak. Hori bai, nahiz eta festa alaia izan gastu handia pilatzen dela esan ziguten: opariak, bazkariak, afariak…  

Askok abesteko ohitura ere ez dute galdu; horrela, haur, gazte eta helduak abestera irteten dira.